Першы драўляны касцёл у вёсцы Шацілкі (цяпер горад Светлагорск) быў пабудаваны ў 1638 годзе пад тытулам Святога Крыжа. Касцёл быў спалены падчас напалеонаўскай вайны. Новы драўляны касцёл узведзены ў 1818 г., некалькі разоў ён перабудоўваўся. У 1936 г. быў зачынены савецкімі ўладамі і ў 1939 г. знішчаны.

Парафія адрадзілася ў 1990 г. А з 1992 г. пад кіраўніцтвам пробашча кс. Яна Саламона вялося будаўніцтва святыні. 6 верасня 1997 г. касцёл быў асвечаны кардыналам Казімірам Свёнткам.