Хата Казіміра Сваяка ў вёсцы Барані (Астравецкі раён) цяпер з'яўляецца дзяржаўным музеям. У часе стварэння музея хата была накрытая новым дахам, аднак, што важна, старыя сцены цалкам захаваліся яны памятаюць самога паэта-святара.
Казімір Сваяк (18901926, сапр. Канстанцін Стаповіч) нарадзіўся ў вёсцы Барані. У 1914 скончыў Віленскую духоўную семінарыю, служыў у Камаях, Клюшчанах, Засвіры. Памёр ад сухотаў, пахаваны на могілках Росу ў Вільні. Пісаў вершы па-беларуску, пры жыцці выдаў кнігі "Мая ліра" (1924), п'есу "Янка Канцавы" (1920). Пасля смерці выйшла фантазія-містэрыя "Купалле" (1930), дзённік "Дзея маёй душы" (1932), малітоўнік для беларусаў каталікоў "Голас душы".
Найкаштоўнейшыя экспанаты хаты Казіміра Сваяка этажэрка і камод, якія памятаюць самога паэта, а таксама некаторыя літургічныя кнігі, якімі ён карыстаўся. Яшчэ адзін найкаштоўнейшы экспанат арнат (святочнае адзенне ксяндза), якое перадаў сюды святар з Камайскага касцёла. У гэтым арнаце Казімір Сваяк паспеў адслужыць некалькі службаў.
Дом-музей быў адкрыты 2 кастрычніка 2010 года. Тэлефоны для сувязі: 8 01591 21148, 8 044 5450489.
Глеб Лабадзенка, 2012.